19 მარტს ანგისის მშვილდოსნობის სასროლეთმა უმასპინძლა საქართველოს თასის პირველ ეტაპს, რომელსაც ესწრებოდა აჭარის ა.რ. განათლების, კულტურისა და სპორტის მინისტრის მოადგილე ბადრი ნაკაშიძე, სპორტის დეპარტამენტის უფროსი ირმა ნიჟარაძე, მოადგილე ირაკლი აბულაძე, მაღალი მიღწევების სპორტის განყოფილების უფროსი ზურაბ ჭყონია და დეპარტამენტის სხვა წარმომადგენლები. საპრიზო კატეგორიაზე გასული ყველა სპორტსმენი დაჯილდოვდა მედლებით, სიგელებითა და თასებით.

მიმდინარე წლის 3 ოქტომბრიდან 8 ოქტომბრის ჩათვლით, ქალაქ ბათუმში ანგისის მშვილდოსნობის ბაზაზე ჩატარდა XXVII-ე ტრადიციული საერთაშორისო ტურნირი მშვილდოსნობაში, რომელშიც მონაწილეობა მიიღეს აზერბაიჯანის, სომხეთის, ყაზახეთის, ლიეტუას, ლუქსემბურგის, პოლონეთისა და საქართველოს რეგიონების უძლიერესმა მშვილდოსნებმა.ღონისძიება ჩატარდა აჭარის ა.რ. სპორტის დეპარტამენტის ფინანსური მხარდაჭერით და აჭარის მშვილდოსნობის ფედერაციის ორგანიზებით.გამარჯვებული და საპრიზო ადგილებზე გასული სპორტსმენები დაჯილდოვდნენ სიგელებით, მედლებითა და თასებით.