19 მარტს ანგისის ბაზაზე პარასპორტსმენთა შორის ავთანდილ ჩიხლაძის სახელობის საქართველოს 2023 წლის თასის გათამაშება დაიწყო ფეხბურთში. ერთმანეთს დაუპირისპირდა ბათუმის ,,ბათუმი” და ზესტაფონის ,,მარგვეთი”. შეჯიბრს აჭარის განათლების, კულტურისა და სპორტის მინისტრის მოადგილე ბადრი ნაკაშიძე დაესწრო. თამაში ბათუმელთა გამარჯვებით ანგარიშით 2:1 დასრულდა. შემდეგ მატჩს ისევ ბათუმელები უმასპინძლებენ, რომელიც გაიმართება ზუგდიდის გუნდთან 1-ელ აპრილს.

ფუტვოლეის მსოფლიო ტურნირი 2021 ბათუმის ქვიშის მოედანზე ისრაელის გამარჯვებით დასრულდა. სასიხარულოა, რომ ფუტვოლეის მსოფლიო ფედერაციის გადაწყვეტილებით, ჩემპიონატი ყოველწლიურად ბათუმში გაიმართება, რაც კიდევ უფრო შეუწყობს ხელს სპორტული ტურიზმის განვითარებას.

სავარჯიშო პროცესი უნდა წარიმართოს კოვიდ ინფექციის წინააღმდეგ, ჯანდაცვის სამინისტროს მიერ შემუშავებული რეკომენდაციების სრული დაცვით. აჭარის ა.რ განათლების, კულტურისა და სპორტის სამინისტროს და აჭარის სპორტის დეპარტამენტის თანამშრომლებმა მოინახულეს სპორტული დარბაზები. დარბაზები უზრუნველყოფილია შესაბამისი სანიტარულ-ჰიგიენური საშუალებებით. ადმინისტრაცია სრული პასუხისმგებლობით ასრულებს ყველა მითითებას, რათა სპორტსმენებმა შეძლონ ვარჯიშის გაგრძელება უსაფრთხო გარემოში.